-Ұлберген Рамазанқызы, балалардың өз  ана тілінде білім алуға  қүштарлықтары  қандай?

-Оқушылардың бастамалары жаман емес. Оқуға деген , зейіндері мен ынталары  жақсы. Осы жерде Қ. Мырзалиевтің  өлеңі  еріксіз  ойға келеді.

                                                                                                         Ана тілің, арың бұл-

                                                                                                         Ұятың боп тұр бетте.

                                                                                                         Өзге тілдің  бәрін біл

                                                                                                         Өз тіліңді   құрметте.- деген өлең  жолы  жас ұрпақты  өз ана  тіліне деген сүйіспеншілігін  оята  түсетіні  айдан  анық.

-Ұлберген Рамазанқызы,  мектебіңіз жайлы  бір-екі  ауыз сөз  қозғасаңыз.

-Мектепте  оқушыларымыз бір ауысымда оқиды.  Бұл өте жақсы, кейінгі  уақыттарда  қосымша  сабақтар жүргізіледі. «Ұстаздық  еткен  жалықпас,  үйретуге  балаға»- демекші  ұстаздарымыз оқу- жазуға үйретіп қоймай, әр баланың жүрегіне жол тауып, олардың психологиялық ерекшеліктеріне, жас ерекшеліктеріне көп көңіл бөледі. Тәрбие негізінде білім беріледі, мектепте асхана бар. Оқушылар бір мезгіл бір рет ыстық тамақ ішеді. Кішкентай балалар ғой, таңертен бәрі бірдей үйлерінен тамақтанып келе алмайды.  Ыстық тамақ оқушыларға жылу беріп, өздерін ширақ ұстауға көптен – көп көмегін тигізіп жүр. Одан кейін тазалық сақтайтын орынның бары қандай жақсы ше?! Тазалық сақтайтын жағдай мектеп ішінде. Бұндай жағдай  кішкентай балаларға өте ыңғайлы.